المصور ” تكشف تفاصيل مهمه بمشوار الفنان القدير “احمد ماهر”
بقلم / روان السعدني
خليني ابدء الحوار مع حضرتك اني اعرف ايه الصدمه اللي اتصدمتها زوجه حضرتك في اول ايام جوازكم ؟
الفنان أحمد ماهر : في الصباحيه و خارجين من البيت و هي عروسه و حريصه علي انها تزور اهلها و لتقوم بزياره من منطلق جديد و من الحاله الجديده اللي بتعيشها شخصيه مستقله ليها بيت و ليها زوج و وخداني للعيله و كنا رايحين لخالها و عشان نوصل كنا بنمشي في الشارع ترام زمان و الحركه فيه صعب جدا وصلت لغايه الترام و كنت منتظر انه يعدي عشان الف يمين و بمجرد ما الترام عدى كشف عن ملايا لف في مواجهتي و بتصلي و قالتلي هو انت يا عسل و قامت بيساني طبعا سلوك انا شخصيا مش متوقعه انما هو دا كان تعبيرها و العروسه جُن جنونها و قالت لها ايه دا يا ست انتي و ردت المعجبه مين اللي جنبك دي و بقيت في موقف لا احسد عليه بين زوجه بتدافع عن حقها و بين معجبه دا كان اسلوب تعبيرها قمت معشق العربيه علي التانيه و قمت ناطط جري و هربت من المكان ولاكن العروسه ادايقت و كانت مش بتكلمني و كأني ارتكبت جنايه و لما طلعت عند خالها و استقبلونا و كانت الحاله واضحه عليها انها مدايقه فحكتلهم و قال لها هو ماله و كل الاهل انحازوا ليا انا و بدات تروق العروسه ولاكن بعد موقف لا احسد عليه بين حق العروسه و بين المعجبه اللي دا اسلوب تعبيرها .
وفيق وجدي الاسم دا بيمثل ايه لحضرتك ؟
الفنان أحمد ماهر : الف رحمه و نور عليه شخصيه عظيمه جميله مثقفه بينه انا أزعم انه ربنا ساق لي هذا الفنان عشان نتعاون مع بعض في بدايه حياتي الإخراجية لعملنا مسلسلات بتتكلم عن قصص القرأن الكريم فمنذ هذه اللحظه هو تعلق بالعمل مع احمد ماهر و أصبحت تقريبا قاسم مشترك اعظم في معظم أعماله و في محطات ضخمة جدا في حياتي عملتها معاه و انا في حاله من الغرام و المتعه لانه كان بيحط ايده علي نصوص بالغه القوة و تحمل خطاب اجتماعي و سياسي و تربوي و عقائدي و مجتمعي فراجل العمل معاه غرام و عشق و فنان حتي النخاع لدرجه ان هذا الفن الذي عشقه جنى عليه و اصابه بالأمراض لانه مكنش بينام تقريبا سبحان من لا تأخذه سنه ولا نوم زي ما اتقال ان لبدنك عليك حق و للامانه حبه للمهنه و عشقه لانه ينجز عمله بالصورة اللي ترضيه و الكمال لله واحده كان أحد العناصر اللي جنت علي صحته.
مقدرتش تمسك دموعك في وفاه الفنان الراحل عبد الله غيث هل وفاته اثرت علي ذئاب الجبل ؟
الفنان أحمد ماهر : اثرت اثر بالغ يعني مسلسل انقطع الخط الدرامي بتاع عبد الله رحمه الله عليه و رفيقه في الخط الدرامي احمد ماهر بموت عبد الله غيث الف رحمه و نور عليه فالمسلسل لم يقدم كما كتب المعني لو كان تم انا أتصور انه كان ساب اثر قد اللي سابه 100 مره
لو رجع الزمن تاني هتقبل عشاء الأستاذ جورج و تتقبل العمل في المتزوجون ؟
الفنان أحمد ماهر : اه طبعا الف رحمه و نور علي جورج شخصيه جميله شيخ عرب ابن بلد مضياف فنان خفيف الضل صاحب صاحبه عاشق للفن لما نعرف ازاى تم التعاقد للعمل في هذه الروايه دا اكبر دليل ان جورج بالفعل عامل زي الكشاف اللي بيجري ورا اللاعبين في الفرق عشان يتعاقد و يتسيط بالنجوم و يضمهم للمنتخب بتاعه شئ عظيم و جه اتفرج عليا و انا بعمل روايه اسمها روميو و جانيت و انا بعمل شاب في مقتبل عمره و تربيه امه و مالوش سوابق او تجارب في حياته مع الشباب فبالتالي هو منطوي من الشغل للبيت و من البيت للشغل فبالتالي امه قررت انها تفرح بيه فأخذته عشان تخطوبله بنت صديقه ليها و اخدته و عرفته علي الصديقة اللي كانت في انتظارهم و محضره بنتها عشان العريس يشوفها و العريس خجول و البنت تربيتها مخلياها قاعده منطويه و في حاله حياء و خجل و الأمهات قرروا أن هما يخلوا المكان للعرايس عشان يقعدوا يتعرفوا علي بعض المكان خلي علي العرسان و العروسه مش بتتكلم و فجأة دخلت شخصيه فرفورة صعلوكه و دي اخت العروسه ولاكن هي حياة تانيه و دخلت تهزر مع العريس و بتسلك السلوك اللي مفترض انه يصدر عن الشباب مش عن الشبات فهو فضل يضغط علي اعصابه لانها بتباغده و بتعاكسه فضربها بالقلم كانت قايمه بالدور سناء يونس الله يرحمها قالت ضربني بالقلم يبقي بيحبني و يتجوزني انا و بالفعل هو تعلق بالشخصيه اللي بتنكشه في حين أن العروسه اللي هو جيلها أعده مبتتحركش و مبتتكلمش و اتجوز البنت التانيه و الاول مره امه بتقوله يا ابني انا مخترالك البنت دي قالها انا اخترت انا كنت قايلك تختاري و تتصرفي في حياتي و انا لأول مره بقولك انا مش هتجوز غير دي .. الروايه دي جه الفنانين يتفرجوا عليها علي خشبه مسرح الطبيعه ولا انسي ان الراحله الجميله الرائعه سعاد حسني كانت بتيجي كل يوم تحضر المشهد اللي بيني و بين سناء يونس الله يرحمها و بعد ما بيخلص بتمشي لانها كانت بتبقي شافت الروايه و جاء الفنانين كما الحجيج و من ضمنهم جه جورج و طلع و حياني و قالي ايه العرض الرائع انا جيت لان الناس بتتكلم عن العرض
قالي بقي انا عارف انك كراجل بقي عاشق للاكل يعني انت عندي في البيت كل يوم بنأكلك هو يا حبيبي بيته كان كدوار العمده اللي يدخل عنده يدخل علي المطبخ قبل ما يدخل يقعد معاه برا فانا عازمك علي المريديان نتعشي سوا و روحنا اتعشينا و بعد ما اتعشينا طلع العقد و قالي امضي قولتله ايه دا قالي المتزوجون قولتله متزوجون ايه يا حبيبي انت بقالك 5 او 6 سنين تقريبا بتعرضها قالي ما احنا هنصور بقي بس اللي بيعمل شخصيه الأب قولتله اب دا انت جيلي و خارج معجب بالشاب اللي بيحب بنوته و امه بتجوزه و لسه عريس قالي الفنان اللي اقنعني و خد مشاعري معاه علي مدار الروايه لهذه الصورة يقدر يقدم اي كاريكاتير تاني فأستفذني و لقيتني بمضي العقد و داخل اعمل الروايه مع جورج رحمه اللي عليه و كان الدعوه من اني امضي علشان نعمل عرض علي مدار اسبوع و نصور , عرضنا اربع شهور و الكويت طلبتنا و روحنا عرضنا في الكويت و جينا حضرنا العيد و بعد العيد صورنا .
ممكن تحكيلي عن تجربتك مع الفنان محمود عبد العزيز ؟
الفنان أحمد ماهر : يا حبيب قلبي الف رحمه و نور علي الفنان قيمه و قامه و خفه ظل منقطعه النظير و ابن بلد أوي و حبوب أوي ربنا يثيبه علي السعادة اللي كان بيشعها في المكان اللي بيتواجد فيه المسأله لا تقف عند هذا الحد احنا دائما و ابدا بنبقي في معظم الأحوال عندنا سفر خارج القاهره او خارج مصر بشكل عام احنا ينقضي مع بعض فترات اطول ما كنا بنقضي وقت مع اهالينا و ولادنا في البيوت يقيناً دا بيحصل فأن لم يكن الكست قد كدا متحاب و مترابط و حريص علي هذا اللقاء فيتحول العمل الي متعه المسأله تصبح مهلكه و عذاب لاكن الشغل مع محمود عبد العزيز رحمه الله عليه كان مكسب كبير مع شخصيه خفيفه الظل و حبوبه و متعاونه الي ابعد الحدود ولا يخجل من انه لو عايز يستفسر عن حاجه يتكلم معايا انا في الفتره دي كنت عضو مجلس النقابة فكان اي شئ يصادفه خاص بالنقابة فيقولي يا سيادة النقيب حللنا و النبي المشكله فكان بديع و شخصه لذيذه و الحاله بقي اللي كان بيلُف بيها الكاست و احنا في ايطاليا و بتصور في روما و كابري و نابولي شئ عظيم بالرغم من أن الشغل كان في مُعناة معرفش اوصفها وسأله اننا نرتحل من مكان لمكان تاني سفر عشان ننزل نصور و نرجع نسافر تاني لمكان بعيد عشان نصور مشهد تاني كان شئ مهلك و مع ذلك كان روح الحب الي بتلُف الكست و كان معانا الفنان محمد وفيق الف رحمه و نور عليه و الفنان الكبير نبيل الحلفاوي بثقافته و بحضورة و بحاله العزة اللي هو بيعيشها و محمود عبد العزيز كان ايقونه داخل منظومه عزفها المايسترو الكبير الراحل يحيي العالمي رحمه الله عليه .
استاذ احمد ماهر فين من السينما و الدراما في الوقت الحالي ؟
الفنان أحمد ماهر : موجود .. اولا في أعمال انيميش بيقدمها الأزهر الشريف بتتكلم عن تاريخ الأزهر و موجود في أعمال للطفل و موجود علي المسرح يعني زي علي الاقل ان لم يكن عرضين في السنة ليا علي الاقل عرض حاليا انا اطوف جمهورية مصر العربية في المحافظات بعرض مسرحي اسمه عاشق و مداح بيكلمنا عن عشق للانسان المصري الذي اختاره الله ان يعيش علي ضفاف هذا الوادي العظيم البديع الخصيب و انشاء اعظم حضاره في التاريخ و اقام المعابد و الصلوات و انشاء اول جيش نظامي و انشاء أسطول تجاري و بحري و اقام امبراطوريه مصريه و عرف يعني ايه الطب و حدد الوقت و حدد الفصول و زرع و حصد و اقام علاقات و عمل تعليم و قال ان في لغه اسمها الهيروغليفية و نقش علي الحجر و اقام التماثيل و المسلات و المعابد حاله بتمر علي هذا التاريخ الي ان نصل إلي هذه الأيام التي نعيشها الان و الي هذا الزمن الذي فيه علي رأس النظام سيادة الرئيس عبد الفتاح السيسي اللي بنكمل بشكل سريع كدا انجازاته اللي في هذه الفتره الوجيزه هذه الإنجازات التي ترقي الي حد المعجزات و التي يحرص فيها سيادته الي جانب البناء العمراني ببحرص علي بناء الإنسان المصري .
ايه رأي حضرتك في اللي بتقدمه السينما المصريه في الفتره دي ؟
الفنان أحمد ماهر : دا رأي يقوله الجمهور لان انا شهادتي مجروحه .
من وجهه نظر حضرتك ايه المقومات الاساسيه اللي محتجاها السينما المصريه الفتره دي عشان تكون علي الطريق الصحيح ؟
الفنان أحمد ماهر : مقومات السينما و الدراما بشكل عام بتقول تعالوا نعود الي القصص و القضايا الخاصه بمجتمعنا المصري بشكل خاص و الوطن العربي بشكل عام حتي لا يستشعر المشاهد ان هناك غربه بين ما يقدم اليه و بين حياته التي يحياها مهم جدا ان اللي بيتفرج يشوف نفسه جوا العمل أو يشوف ابوه و عمه او اخته او امه او اخوه داخل العمل و ان القضايا المطروحه هي قضايا تمسنا و ان الخطاب بيهدف الي ما هو افضل مما نحيياه او يشاورلنا علي سكه بتقول ان المستقبل الافضل طريقه من هنا كخطه طريق او يصلح ماهو معوج في سلوك المجتمع او يخلق رأي عام واحد و توجهه من خلال خطاب درامي رقيق يتسرد دون تلقين .
الفنان محمد رمضان وصل أجره ل 45 مليون في مسلسل المشوار هل دا معناه ان الجيل اللجديد افضل من القديم ؟
الفنان أحمد ماهر : لا الاجور ملهاش علاقه احنا لو بصينا ليوسف بيه وهبى و دا عملاق الفن في فتره وجوده و أنور وجدي و هو كان في بدايه حياته كومبارس انتج فكان جواه المعني انه يجيب يوسف بيه وهبى يمثل معاه في الفيلم فقاله مش هتقدر علي مهري يا أنور انا فلوسي كتير اوي عليك فقاله يعني كام يا يوسف بيه قاله هتدفع 1000 جنيه فقاله انا هدفع ال 1000 جنيه .. ال 1000 جنيه دي اياميها كانت حاله من حالات الهوس النهارده لما نقول 1000 جنيه .. 1000 جنيه مين حاليا في حياه صغار الفنانين فالمقياس ليس بالقيمه المادية و المبلغ المادي لاكن القياس بما يقدمه الفنان.
ايه سبب رفض حضرتك ان مسرح مصر يكون وجهه مصر للمسرح ؟
الفنان أحمد ماهر : في مقوله بتقول فاقد الشئ لا يعطيه لما يبقي في عناصر و العناصر دي لم تتلقي فنون و قواعد المهنه من منابعها الخالصه يعني رب العزة بيقول و اسألوا أهل الذكر إن كنتم تعلمون يعني بأختصار عشان اشتري خاتم دهب هروح لجواهرجي مش هروح لسمكري و بالتالي انا عشان اطمئن للفنان دا انه هيبرز أعمال فنيه محترمه بها معني الابداع و تبعث علي الدهشة و هتقدم خطاب انا ارجو منه ما هو إيجابي لتربيه الأجيال هيبقي خلاص لاكن لما يبقي الناس دي محدش علمها و واخدين المسأله علي شماعه في غايه الطرافه و هي الارتجال و الارتجال ليه قواعد يا اخوانا و الارتجال دا له مدرسه و له منبت الارتجال دا جه من ايطاليا واساسا اخترعه شخصيه فنيه اسمه كارلو جلدوني فالمسئله مش قفشات ممكن نسمعها في النواصي او في القهاوي فلكل مقامً مقال والمسرح لابد أن الكلمه اللي بتخرج من أفواه المؤديين و الفنانين لابد أن تراقب و تكون مصفاه انما اسمع جمل فيها استخفاف بالاب او بالام او بالأستاذ او بالكبير فأحنا بنعلم ولادنا الاستخفاف بالكبار والاستهانه و ان مفيش قواعد ولا أعراف ولا عادات ولا تقاليد طب احنا عايزين نوصل الحاله لايه لما ينفرط العقد لما اقدم عمل زي مدرسه المشاغبين و ان الناظر بيتهزء و المدرسه بيتم العبث بملابسها و بيستخف بما تطرحه من علوم المفروض انا أسقف للي بيقول جمل جارحه او خادشه للحياء او جمل بتستخف بالشخصيات اللي المفترض انا واحد من جيل اتربى علي قف للمعلم وفيه التبجيلا كاد المعلم ان يكون رسولا و في العيال كبرت الولاد بتستخف بالاب و الأم و بيتكلموا عنهم بأستهانه ازاى يعني لابد اننا نفهم و ان الرقابه تاخد دورها و النقابة تاخد دورها لان اول باند في النقابة بيقول الحفاظ علي المهنه و ابناء المهنه الحفاظ علي المهنا مفيش عمل يعدي لا لما النقابه تمحصه و تدرسه و تقول اه دا يتعمل ولا ميتعملش انما عشان المستوي دا يُقدم و يسافر برا و يشار إليه بأن العنوان بتاعه تياترو مصر لا مين اللي قال مصر ارفع بكتير من أن يتشال من طين الأرض و يتحط عليها فين خريجي الأكاديميات فين واجهه المسرح القومي فين المسرح الحديث فين مسرح الافنجارد فين المسرح الكوميدي عندنا فرق و عندنا وزاره في الثقافه فلابد اننا نقول ستوب و استني مش معناها انهم يتوقفوا عن العمل لا أميريكا فيها مسرح البوليفار بيُقدم فيه الوان لا يعلمها إلا الله ولاكن ميتقلش عليه هذا هو المسرح الأمريكي او تياترو أميريكا.
لو الأستاذ أشرف عبد الباقي عرض عليك العمل علي مسرح مصر هيكون رد حضرتك ايه ؟
الفنان أحمد ماهر : هو يعلم تماماً انه استحاله يفكر انه يُخاطبني انما أشرف عبد الباقي علي مستوي الإنساني شخصيه لطيفه جدا و حبوب و اكتر من مره التقينا لاكن انا بتكلم بقي حين نتحاور او نتناقش فنياً لا تعالي نقف بقي.
حضرتك لو نجحت في المهن نقابه المهن التمثيلية ايه الخطط اللي حضرتك حاطتها عشان تطور ؟
الفنان أحمد ماهر : خطط كتيره جدا و قولت كدا في برنامج وقت لما طرحت نفسي كنقيب و دا موضوع و مشروع كبير
