كتبت: ملك أحمد شعبان
منصة نتفليكس أعلنت بدء تصوير الموسم الثاني والثالث من مسلسل “Three Body Problem” في ربيع 2025، بعد ما قدمت موسم أول حقق نجاح عالمي لافت.
رواية “Three Body Problem” ألهمت صنّاع المسلسل لتقديم عمل خيال علمي مختلف، واشتغلوا على دمج عناصر الدراما والفلسفة والفضاء ضمن أحداث مليانة غموض وتفاصيل معقدة. الرواية كتبها الصيني ليو تسيشين، وحققت شهرة واسعة قبل ما تتحول لإنتاج تلفزيوني.
فريق العمل ركّز على تقديم صراع فكري وتكنولوجي بين حضارات بشرية وأخرى فضائية، والمنتجين وضحوا إن المواسم الجاية هتخوض في أبعاد أعمق من الرواية، مع المحافظة على روحها الأساسية. صنّاع المسلسل قرروا تقسيم باقي القصة على موسمين، بدل موسم واحد، علشان يوضحوا التفاصيل كلها.
الموسم الأول جذب جمهور كبير من مختلف دول العالم، وحقق نسب مشاهدة مرتفعة على المنصة. النجاح ده شجّع نتفليكس على دعم السلسلة بإنتاج ضخم وتوسيع طاقم العمل والتصوير في مواقع أكتر.
ديفيد بينيوف، أحد منتجي المسلسل، عبّر عن حماسه لاستكمال القصة، وقال: “هنقدم تجربة أوسع للمشاهدين، والتطورات الجاية هتكون أقوى من اللي فات.”
