في ضوء السقوط المدوي لإنتر أمام باريس في نهائي دوري أبطال أوروبا، كان لـ”المصور” هذا الحوار الخاص مع أحمد هشام، محلل الأداء الفني بقنوات الزمالك، وعدد من القنوات العربية أبرزها القنوات الجزائرية، حيث يتميز هشام بأسلوبه التحليلي العميق، وقدرته على قراءة التفاصيل الصغيرة التي تصنع الفارق في كبرى المباريات.
في هذا الحوار، يكشف لنا عن أسباب انهيار إنتر، ويشرح كيف تفوق لويس إنريكي تكتيكيًا، ويحدد من وجهة نظره من هو النجم الحقيقي للمباراة.
في البداية خلينا نتكلم عن الأرقام
هل باريس فعلا دخل التاريخ في النهائي ده
آه
النتيجة دي تعتبر أكبر نتيجة في نهائي دوري الأبطال بالنظام الحديث من أول التسعينات
باريس بقى تاني فريق فرنسي يرفع الكاس بعد مارسيليا
ولو هنرجع وراء شوية
فدي تاني أكبر نتيجة في تاريخ النهائيات كلها بعد سبعة تلاتة بتاعة ريال مدريد وآينتراخت فرانكفورت
لكن الكل كان متوقع مواجهة كبيرة
إزاي قلبت من قمة أوروبية لمباراة من طرف واحد
ده حصل لأن باريس لعبها صح من أول دقيقة
المدرب كان عارف كويس إن إنتر مش هيغير طريقته
ساب له الكرة في الأول
خلاه يحس إنه في أمان
وبعدين بدأ يضغط عليه من قدام
قطع الكورة بدري
خلّى إنتر يخرج من مناطقه
ولما الخطوط تفتحت
باريس ضرب
يعني باريس ما دخلش يستحوذ من أول دقيقة
بالعكس
دخل يسيب الخصم يتحرك
وبعدين يضربه
وده اللي حصل
الضغط كان منظم
والتحولات كانت سريعة
اللعيبة في إنتر مكانتش جاهزة نفسيا ولا بدنيا للرد
تحس إن اللعيبة كانت تايهة
بالضبط
فيه لاعيبة كانت خارج الماتش من قبل ما يبدأ
ممكن يكون الضغط
ممكن يكون الكلام عن مستقبل المدرب
لكن الواضح إن التركيز كان غايب
قراراتهم كلها غلط
ولاوتارو
دومفريس
حتى اللعيبة اللي المفروض تصنع الفارق
ماعملوش حاجة
طب مين تشوفه نجم المباراة الحقيقي
ناس كتير هتقول اللي جاب الجوان
بس بالنسبالي ديمبيلي هو اللي غير شكل باريس
تحركات
ضغط
واختراقات
كل لمسة منه كانت خطر
الراجل اشتغل ضعف الباقي
وكان حاسم
يعني المنظومة كلها اشتغلت بس هو اللي فرق
بالظبط
المنظومة كانت شغالة
بس هو اللي خلى إنتر ينهار
كل تفصيلة كانت محسوبة
وكل لاعب عارف دوره
وده اللي بيفرق بين فريق وفريق
الأرقام كانت ماشية في نفس الاتجاه
طبعا
تلاتة وعشرين تسديدة لباريس
تمانية منهم على المرمى
الإنتر عمل تمن تسديدات
اتنين بس راحوا ناحية المرمى
واحدة منهم كانت من بعد نص الملعب
والتانية مافيهاش خطورة
باريس عمل فوق ربعمية وستين تمريرة صح
الإنتر مشى على ميتين وتمانين
التحامات
ضغط
تمركز
كل ده لصالح فريق واحد
آخر سؤال
هل باريس بقى أقوى من غير مبابي فعلا
المدرب قالها من بدري
باريس هيبقى أقوى من غيره
والكلام ده حصل
الفريق بقى جماعي
كل واحد ليه دور
مفيش نجم بيغطي على المنظومة
الفكر هو البطل
وده اللي خلى باريس يمشي بالسيفتي ويوصل للنهائي ويكسب بالمنظر ده
إعداد: عزت مجدي
جريدة المصور
