خلاف حاد بين ويجز ورامي صبري

خلاف حاد نشب بين رامى صبرى وويجز بعد التصريحات النارية التى أطلقها الأول فى برنامج “حبر سرى” والذى يؤكد فيه انه من أفضل 5 مطربين حاليا وأن أغانى المهرجانات وويجز لا يمكن ان يقدمها وهو الأمر الذى أغضب ويجز الذى قرر الخروج عن صمته للرد عليه.

وتحدث الفنان رامي صبري خلال وجوده ضيفًا على برنامج “حبر سري” تقديم أسما إبراهيم ويعرض على قناة “القاهرة والناس”، عن المهرجانات ومطربي الراب، وقال: “المهرجان مش بيتغنا، حلو والناس بتحبه وأنا ساعات بسمعه، بس مش هو ده اللون اللي ممكن أغنيه وان أغانى ويجز لم أفهم معانيها.

ورد ويجز بقوة على رامى صبرى فى مقطع فيديو نشره عبر خاصية الأستوري على حسابه على “إنستجرام”، مهاجما رامي صبري قائلا: “هتكلم على فنان فاكر إنه عنده صلاحية يطلع يتكلم على أي حد، والناس تسمع و تسكت، الفنان ده اسمه رامي، رامي ده بقى كل ما يقعد 4 أو 5 شهور يزهق يطلع يقعد يتكلم في التليفزيون على بتوع الراب والهيب هوب وكده”

وأضاف ويجز : “هتتكلم امتى عن فنك ومجالك، أنا شايف إنك مابتفهمش حاجة في الراب ولا بتفهم الكلام بتاعه، أو زي ما انت قولت قبل كده، ومش هتعرف تعمله، وأنا راجل مثلا لو لقيت واحد بيعرف يسوق عجلة وأنا مبعرفش بحترمه، ليه عشان هو عمل حاجة انا مبعرفش اعملها وغير اللي أنا عملتها، اشتغل على نفسه في حاجة أنا مشتغلتش على نفسي فيها” مضيفاً: “انت مبتقدرش الفنانين دول وشايفهم كده بيحاولوا يوصلوا لليفل انت فيه في حين انهم معديينك، أنت مش رقم 2 انت يا رامي انت رقم 19، أنت بعيد أوي”