طلبت الخلع بسبب جارتها فما هي الدوافع التي أجبرتها لفعل هذا بسبب جارتها؟!.
كتبت/ رنيم علاء نور الدين
في صباح يوم الجمعة ٦ ديسمبر وقفت حنان أمام محكمة الأسرة في الكيت كات طالبة الخلع من زوجها وكان السبب الرئيسي لوقفتها هي الخيانة
واوضحت أن زوجها كان يقارن بأستمرار لتصرفات وأفعال جارتهم مع زوجها، وعدم إعجابه بأي تصرف منها، حتى وصلت بينهما المشاكل لتركها المنزل وطلب الطلاق وحينما رفض لجأت الى محكمة الأسرة طالبة الخلع منه.
فكانت قصة حنان مع زوجها كالتالي كما سردت أمام القضاة:
من حوالي ٥ سنين اتقدم لي واحد من قرايب والدتي وعشان سني كان عدى ٣٢ سنة وافقت وأسرتي وافقت وفي الوقت ده اتخطبنا بس ٣ شهور وكل حاجة كانت جاهزة وهو أكبر مني بـ ٥ سنين، وفي بداية الزواج مكنش فيه مشاكل بيني وبينه كتير، لكن بعد ما عدى ٣ سنين على الزواج بدأت المشاكل تكتر وهو مبقاش طبيعي وبيقف على حاجات عادية ويمكن كمان تكون تافهة”.
وبعد مرور ٣ سنوات على الزواج بدأ في مقارنتي بجارتي واللي هي زوجة صديقه وكان في تعامل غريب بينهم ، فكانت بتعامل زوجي بطريقة مختلفة عن معاملتها ليا.
وأكملت حنان في قصتها: “آخر سنة بيني وبين زوجي كانت كلها مشاكل والسبب أنه كان كل حاجة بعملها أو بقولها يقولي شوفي مرات كذا بتعمل ايه، وأي تصرف منها يقولي مش بتعملي كدة ليه، كل ما نشوفها يقولي مش بتلبسي زيها ليه، لحد ما زهقت من طريقته وروحت بيت أهلي وفضلت أمشي واتصالح ٨ شهور لحد ما زهقت من الحياة دي”.
واختتمت حنان قصتها قائلة: “في النهاية طلبت منه الطلاق، لكنه رفض وحاولت معه كان دايما رافض، روحت محكمة الأسرة وطلبت الخلع”.
