خواطر بعنوان  سألوني عن اسمي

 بقلم/ د.أحلام ابو السعود 

 سألوني عن إسمي والعمر 

جاوبتهم فلسطيني صامد وحر

 دمي مجبول بتراب الأرض 

عمري ممتد على طول الدهر

جذوري متشعبة طول وعرض

 مزروع وثابت مثل الصخر 

فروعي في السما ما بتنكسر

 أهل فلسطين عزة وفخر 

دايما رافعين رايات النصر 

قلوبهم مليانة طيبة وطهر 

بيضا مثل خيوط الفجر 

لاهلهم عزوة وسند وظهر 

وعلى العدا ثورة ولحمهم مر

 صامدين في الميدان بيزأروا زأر

مثل الأسود ما يقبلوا القهر 

ما يهابوا الموت ولا يخافوا الأسر

 عيونهم مثل عيون الصقر 

بيراقبوا المحتل بر وبحر 

بيغزلوا ثياب الكرامة غزل

 بخيوط صلبة وثبات وصبر

 أرواحهم لفلسطين هي المهر

 تنزف دم بريحة العطر

 يجري ويروي مثل النهر

 أرض أجدادي وينبت زهر 

فلسطيني أنا وكلي فخر

منقوش إسمي على كل صدر

عاشقة فلسطين /أحلام أبو السعود 

دير البلح /غزة /فلسطين