“قلبي اتكسر”.. هنا الزاهد تكشف لأول مرة تفاصيل طلاقها من أحمد فهمي

كتبت: ملك أحمد شعبان

تحدثت الفنانة هنا الزاهد عن طلاقها من الفنان أحمد فهمي، وأكدت إن قرار الانفصال جه بعد فترة من التمهيد استمرت حوالي 8 شهور، حسّت فيها إن العلاقة مش زي الأول، وإن الانفصال بقى الحل الأفضل للطرفين.

هنا قالت: “مكنتش أتخيل إن في حاجة اسمها طلاق، بس ربنا جهزني نفسيًا قبلها، لو كان حصل مرة واحدة كنت هنهار”. وأضافت إنها مرت بفترة صعبة، لكنها قدرت تتمالك نفسها وما دمعتش، وقررت تعتمد على أهلها عشان تتخطى المرحلة دي.

أكدت كمان إنها مش بتندم على أي حاجة، وإنها بتتمنى الخير لأحمد فهمي، وعلاقتهم لسه فيها احترام، ولو حصل فرصة شغل تجمعهم في المستقبل مش هتقول لأ.

اختتمت كلامها برسالة للبنات، وقالت إن أهم حاجة وقت الانفصال إنهم ميبقوش لوحدهم، وإن وجود الأهل والدعم بيخفف كتير، ووصّت كل بنت تبص لقدّام وتصدق إن ربنا دايمًا بيكتب الخير.